मंचरमध्ये खासगी बसची ट्रकला धडक, 20 जखमी

पुणे : पुणे-नाशिक महामार्गावर मंगळवारी रात्री पुण्यापासून ६५ किमी अंतरावर असलेल्या मंचर येथे एका खासगी बसने ट्रकच्या मागून धडक दिल्याने 20 प्रवासी जखमी झाले.हे प्रवासी बुलढाणा जिल्ह्यातील शेगावकडे निघाले होते. जखमी प्रवासी हे सर्व नागपूरचे असून त्यांच्यावर मंचर येथील शासकीय रुग्णालयात उपचार सुरू आहेत.मंचर पोलिसांच्या एका अधिकाऱ्याने सांगितले की, रात्री 9 च्या सुमारास बस मंचरला पोहोचली तेव्हा एका ट्रकचा वेग स्पीड ब्रेकरमुळे कमी झाला. “बस चालकाला वाहनावर नियंत्रण ठेवता आले नाही आणि ती ट्रकच्या मागील बाजूस आदळली,” असे अधिकाऱ्याने सांगितले.बसच्या पुढील बाजूचे नुकसान झाल्याचे त्यांनी सांगितले. बसच्या पुढील भागात बसलेले चालक आणि प्रवासी जखमी झाले. “त्यांपैकी काहींच्या डोक्याला दुखापत झाली आहे, ज्या गंभीर नाहीत. ते बरे होत आहेत,” असे अधिकारी म्हणाले.